Tariximiz
“VS Enerji Servis” MMC 28 mart 2011-ci ildə Səyavuş Yusifov və Vəfadar Hacıyev tərəfindən təsis edilmişdir. Şirkət Azərbaycan Respublikası Fövqəladə Hallar Nazirliyinin energetika obyektlərinin, avadanlıqlarının və qurğularının quraşdırılması, sazlanması və təmiri üzrə lisenziyasına malikdir.
Fəaliyyəti müddətində dövlət və özəl sektora aid yaşayış və sənaye obyektlərinin elektrik enerjisi ilə təmin edilməsi sahəsində geniş təcrübə toplamışdır. Şirkət yalnız yerli bazarla kifayətlənməyərək beynəlxalq bazarlara çıxış istiqamətində də fəaliyyət göstərir. Türkiyədəki tərəfdaşlarla razılıq əldə edilmiş və “EPS Grup Elektrik Pano İmalat San. Tic. LTD” ilə birgə müəssisə yaradılaraq bir sıra layihələr icra olunmuşdur.
Fəaliyyət istiqamətlərimiz
Şirkət elektrik stansiyalarının və yarımstansiyaların tikintisini, əsas avadanlıqların, xüsusilə elektrik şkaflarının istehsalını, təmirini və quraşdırılmasını həyata keçirir. Transformator yarımstansiyalarının tikilməsi, paylayıcı məntəqələrin hazırlanması və quraşdırılması sahəsində xidmətlər təqdim edir.
Güc transformatorlarının istehsalı, təmiri və quraşdırılması, stansiya və yarımstansiyalarda avadanlıqların texniki yoxlanılması, təmiri və sınaq işlərinin aparılması əsas fəaliyyət sahələrindəndir. Elektrik qurğularının ifrat gərginlikdən mühafizəsi və müvafiq avadanlıqların quraşdırılması üzrə xidmətlər göstərilir.
6-10 və 35-110 kV gərginlik üçün paylayıcı qurğuların təmiri və quraşdırılması, komplekt transformator yarımstansiyalarının və paylayıcı qurğuların istehsalı, təmiri və montajı həyata keçirilir.
Kabel xətlərinin çəkilməsi, təmiri və quraşdırılması, yerlə birləşdirmə və torpaqlama qurğularının hazırlanması və montajı, hava elektrik verilişi xətlərinin çəkilməsi, dayaqların hazırlanması, quraşdırılması və təmiri şirkətin ixtisaslaşdığı digər sahələr arasındadır. Elektrik sahəsində sınaq və laboratoriya işlərinin aparılması da fəaliyyət istiqamətlərimizdən biridir.